O loo faaaua lava le feteenaiga ile va o le pulega ole Tatiana investment ma le Pulega ole RSA, ae ole Matagaluega o Lafoga ma tupe maua.
Ole mataupu lea e le’o ose faaletonu fou, ua faitau tausaga pei ona maua i faamaumauga. Ma oo mai ai ile taimi nei, ua faamalosia lava ona aveese e le pulega o le Tatiana Investment le seal, poo le lipine toso e tau atu ai le sa ai ona toe ulufia le fale ole le RSA.
Ae na molimauina le faaauau lava ona tatala le RSA ile Aso Faraile ma le Aso Toonai ne te’a nei.
I molimau mai le tatou paaga faamoemoeina i totonu, o loo taofia le laisene e faataga ai ona faatau le ava malosi, se vagana ua iai se laisene pisinisi.
O loo iai aitalafu, ile lotolotoiga o feteenaiga nei a le RSA, ma le pisinisi a le Tatiana o loo lisi ai ile fale o le RSA.
E le gata ina tuuaia e le RSA o loo aitalafu le Tatiana i le fale ole Asosi a fitafita , ae o loo tuuaia foi le aitalafu a le RSA i le fanua ole malo.
E le’o mafai ona tali mai le pulega ole RSA, e leo maua foi se sootaga ma le Tatitiana, ae o taua e le tatou paaga mai totonu, e fai o le le totogia o le lisi a le Tatiana ile RSA, ae ole RSA foi ile MNRE, ua silia i le lima tausaga o falo ai lava le mataupu lenei.
Ole aso Faraile lava na toso ai le lipine i le RSA na toe aveese ai lava e aunoa ma se faatanaga, ae toe faaauau ai loa ona tatala le RSA ile faaiuga o le vaiaso na te’a nei, e ui ina ua le’o mafai ona faafou le laisene pisinisi ae o le laisene e faatau ai ava malosi
