Ua oo atu i Lona Fagaloa le misiona fesoasoani ale Toomaga mo e Puapuagatia, mo le tau fo’ia o le faafitauli i Samoa i sauaga faasaga i tina ma fanau.
O lesi lea laasaga o le tupe na ave e le malo i le Toomaga mo le taimi muamua e fesoasoani ile latou misiona, faauau. Ua avatu i aumaga poo le malosi o le nuu , mea fagota, meafaigaluega mo faatoaga, ma meafaigaluega e faamama siosiomag ao aiga.
O nei oloa e lata i le $5afe le tupe na faaalu ai, tuu sa’o lava i le vaega o taulelea, ma molimauina e le fono a le nuu. O vaega uma ia e galulue ma atina’e ai aiga, ia faaititia le mativa ma sauaga.
Ae galulue , i auala e aveese ai le ola faalagolago i isi.
Ole auga ole poloketi lea ua taula’i i aumaga, ia maua pea taumafa e tua iai, mea fai a le nuu, a tele foi tufa i aiga, ma fesoasoani i le sao o aumaga i pulega a le nuu.
O lipotia ai e le Susuga a Sagapolu Bruce: o mea faigaluega nei, ua faamalosi au i aumaga e nonofo i aiga e galulue ma tausi o latou aiga. A’o o ai isi e faigaluega faavaitaimi.
O le latou mau tau’ave “O la matou tautua tuavae e malu ai a matou feagaiga” O le susuga i le faafegaiga Rev Siaosi Samoa, o le EFKS Lona Fagaloa, na ia faapa’ia nei mea faigaluega mo aumaga e atina’e ai aiga.
Ma faafetaia ai e le Peresetene Siliniu Lina Chang le galuega faaauau a sui o le Toomaga i le nuu.
