Mai luma maota o le malo i le po anapo, na faaauau ai lava faafiafiaga masani o le Teuila.
E ese mai faafiafiaga o le Sisigafu’a 60 lea na faia i Salafai ile aso ananafi na tatala mai ai faafiafiaga.
Peita’i i vaega o le Teuila i le nuu o Tulisi i tafa maota o le malo i Apia, na faatumulia foi i tafaoga , e silia ile 500 na latou molimauina faleaiga eseese , o oloa taulima, elei, mea lalaga, o ata faatusa vane, o taaloga masani a Bruno, laau faamatagofie, eseese, ma pesepesega malie.
O isi na momoe ai lava i latou faleie ua mautu iai tapenaga mo le vaiaso atoa lenei o sasa o le Teuila ma le Sisigafu’a 60.
Na molimauina ai foi anapo le au lakapi a tamaitai i lalo i le 18 tausaga , le toa 15 na fili mai kolisi i Upolu nei ma Savaii.
Ole masina fou o Oketopa e malaga atu ai le au lea mo le taimi muamua, e latou te molimauina ai taaloga lakapi a le lalolagi e faia i Niusila, a tamaitai.
Peita’i Ole aso ua toe taliu mai ai faafiafiaga ile eleele fou, ua faatulaga e aofia ai taaloga faaleaganuu, faafiafiaga a aufaipese togia ole fu’a mai itumalo o Gagaifomauga lua, ile taeao o le Aso a taeao.
