Fa’aauau lava ona faia galuega a Afega sei vagana ua tuuina atu se apili

SHARE NOW

E tea ane lava le itula e 3 i le aso Gafua o le vaiaso nei o soalaupule pea ma faato’ato’a le mataupu o afioaga e lua o Afega ma Levi Saleimoa e sootaga i se fanua o loo tuaoi ai nuu nei e lua.

Peitai i le iuga a le a le Faamasinoga o fanua ma suafa i le tausaga e 1963 e sootaga i le fanua pei ona taua i luga o Fata ma Maulolo e pulea fanua o loo i tua atu o Leauvaa lea o loo feeseeseai ai nei.

Ae i le iuga o le talanoaga i le aso ananafi a afioaga e lua ma le Peresitene o fanua ma suafa na faamaonia ai e leai se talosaga aipili a Saleimoa ua tuu atu i le faamasinoga.

O lona uiga o loo tumau lava le faaiuga a le Faamsinoga o fanua ma Suafa i le 1963 o fanua o loo feseeeseai ai e tumau pea lea i alii ma faipule o Afega.

O le saunoaga foi lea a le Ofisa Sili o fanua ma Suafa le afioga ia Papalii Afele John Taimalelagi, ia Levi Saleimoa.

E malilie e tuu pea le avanoa e faatino ai le galuega a Afega e tusa ma lea faaiuga, ae a alualu suaga o le vaatele maea ifo le apili e manumalo lo latou itu, ona totogi uma atu lea e Afega a latou toaga ua faaleagaina.

Ae a manumalo Afega o lea faaauau pea ona faatino le galuega o loo faia i le taimi nei.

Na tau iai lava manatu a nisi o afioaga ga lua na tau satia ai le feiloaiga i le Aso Gafua o le vaiaso nei, ae na maea lava ma le manuia ua tea le itula e tolu i le afiafi.