E $10afe tala le mafalofa a le SSAB, na tuuina atu I le Marist Sport Club ile vaiaso na te’a nei, o lana fesoasoani faaaua lava lea mo le kalapu.
Ma momoli ai le faafetai a le afioga ile Peresetene o Malisi, Pouniu Peter Schmidt, I le pulega o le SSAB, Tofilau Fiti Leung Wai, Male fautua sili a le SSAB Group, Afioga Tuatagaloa Aumua Ming Leung Wai ae o le pule lagolago a le itu o Maketi a le SABB, Asomua Asia Stanley, ile foa’i.
Saunoa Pouniu, “ua tele tausaga o fesoasoani le SSAB, ia Malisi, ma tele foi taimi e tali mai lava pe’a iai ni manaoga i taimi faavavave.”
E 14 ai lenei o tausaga o le SSAB, na vaavaalua mai lava ma le Kalapu a Malisi. Saunoa ai le afioga Tofilau, o le lagolago a le latou kamupani, ona e talitonu ile atinaeina lea o alo o Samoa o fiafia e taaalo, ma fesoasoani atu foi e faamalie o latou manaoga ile vaai mamao, poo le a lava le ituaiga taaloga.
O le mafalofa 10afe, e 5afe le tupe ma oloa mo le kalapu e tusa lona tau ma le 5afetala.
