Na maualuga le faafetai a le taitai o le malo, o le afioga i le Palemia, Afioga a Fiame Naomi Mataafa, ile aufai tatalo ole tatou atunuu, ile latou galuega o faia nei mo Samoa.
Pei foi ona sauni ai le tatou atunuu atoa ma soo se Samoa i le lalolagi atoa mo lana vaiaso o anapogi faaletausaga masani ai: e tatala aloaia ai ile sauniga lotu faapitoa i le Maota tatalo o le Malo i le Mauga o Vaea ile Aso sa a sau nei.
O le vaiaso o anapogi, na fanau mai ai le faletatalo i le Mauga o Vaea, i le vaitau o le faigamalo ua tuana’i. O se tofa na a’e i taitai ua mavae atu, lea taimi o faasifoga ile Atua mo le saogalemu o Samoa mai le vaitau o matagi ma afa, ae o le malaga ua savalia ole tausaga fou.
O le anapopogi ose tu ae ose aga faakerisiano ua talitonuina ma ave iai fatuatuaga o tagata Samoa uma ma molimauina ai le saogalemu mai o Samoa ile tele o afa sa foli e ono aafia ai Samoa i le fia tausaga ua mavae.
Peita’i ua faaauau mai ai pea lenei agaifanua e le taitaiga a le faigamalo a le FAST, ole Faatutua ile Atua Samoa ua Tasi.
O le Aso Sa a Sau nei e amata aloai ai foi lea sauniga ole faamauina o le anapogi mo le vaiaso , ma toe tatala ai ile aso Faraile.