Ua faitau tausgaa talu ona maliu le tina ia Maria Kirita Pune , ae e le’o muta ai le finau a lona alo ia Clara Grey, e finau le mataupu tau famasinoga i fanua o lona aiga, na amata faila mai le 20 tausaga ua tuana’i.
Ma oo atu ai ile faamasinoga o Apili I le vaiaso fou, le mataupu faasaga I le SSAB ma le Samoa Breweries,
O lesi lea laasaga ole faamasinoga Apili foi a Clara Grey o Tesema 2021 faasaga ile MNRE, matagaluega o Oa faanatura ma le siosiomaga.
Na maua ai e le faamasinoga o Apili, le faasolitulafono ona aveese e le MNRE o le caveat, poo le faamauga faatulafono ole fanua.
Ma toe poloaia ai e le faamasinoga o Apili e toe faaaoga le caveat. Ole faamasinoga Apili lea faasaga ile SSAB ma le Samoa Brewery, sa tuu e valaau ile masina o Mati, 28 2022, ae o lea ua fatulaga mai ai nei ile vaiaso fou, 11 o Aperila 2022.
O faamasinoga o Apili e masani ona valaau ia Mati ma Novema i le tausaga , Ae ona ole koviti ma le tapunia ai o Samoa, ua toe fetuunai ai le taimi valaau o le mataupu lenei, i luma o faamasino apili mai NIusila,
Ole 15 pasene o fanua I Samoa o fanua umia saoloto. Ole aiga lea na iai o latou fanua umia saoloto I Lotopa ma Tuloto. ma e oo mai ai nei o loo taumafai lava Clara ma lona aiga, e finau o latou fanua, o tuuaia le faasolitulafono o auala na aveese ai.
Ile faaiuga o Tesema 2021, na Maua ai le faasolitulafono ole aveesega e le MNRE o le caveat ole fanua I tuloto, ma poloaia ai le MNRE e toe faafoi le caveat I luga o le fanua.
Ma o loo teena e le SSAB le faaiuga o Tesema 2021,
Peita’i, e aveese le caveat ole fanua, ae o loo taatia le mataupu e lei maua se iuga, na faila e le tina o Clara Grey, ua maliu, Maria K Pune, ma lona tuagane, e faia ile fanua.
Sa fai le faaiuga a le faamasino sili, Spolu, ae le’i atoatoa ile 2016. Ua maliu le tina ia Maria ae faaauau mai ai e lona alo ia Clara Grey le finauga o latou mea totino, mose to’afilemu o lona aiga.
Ole aso 11 o Aperila vaiaso fou, e valaau ai le mataupu lea I le faamasinoga o Apili.
