E amata atu ai ile vaiaso nei sasa aloaia o le atoaga o le 50 tausaga o le NPF, talu mai le aso 23 o Mati, peita’i ua faatuai ona o tapu o le koviti19. Ma ole aso 1st o Iulai, Aso Tofi e tamua ile sauniga faafetai, ole aso foi lena e amata maua ai le vaega mulimuli o totoe ole faamanuiaga, pei ona tali mai ai le Ofisa sili, Pauli Prince Suhren i fesili a le Leitio Polenisia.
E lei faailoa maia le aofai o le pasene peita’i e ese mai le vaega lea na totogi ia Mati ole tausaga nei.
Ae i lana tali tusitusia mai ile Leitio Polenisia, o ta’ua ai, e faia le savali aloaia ile aso 14 Iulai, ma le Jubilee Ball poo le fiafia e faia i le aso 15 o Iulai.
Ae ile masina o Mati, na faamautu mai ai le 40miliona tala, ae o le 5 pasene e faafoi mai ile aufai saofaga, tolu pasene muamua, ae o lesi vaega, e faatoa maua ile faaiuga o le tausaga.
E ese mai le 50tala e faaopopo i penisiona a tagata matutua sa maua ai le latou 250tala, mo na’o le masina o Aperila. E 13 isi faalapotopotoga tumaoti, ole’a tufa atu iai le tai 10afe tala, e faaalu ai le 130afe tala.
