Tala lata mai ile suesuega a leoleo faatatau i le tamaitai Samoa na sola ile Vaalele a Fiti e fia alu i Ausetalia, talu mai ananafi 30 Tesema, o faapea mai leoleo, ua uma le latou fono faaptoa ma le pulega maualuga o le Kamupani vaalele a Fiti, e talanoaina ai le solaaga, a le teine Samoa i le vaalele a le malo o Fiti.
Peita’i pau le tala mai leoleo o loo faaauau pea ana suesuega, pe na faapefea lava ona sao le teine lea i faitoto’a o loo malu puipuia o le malaevaalele ma oo i luga o le vaalele, ae o le pasi atu i le Ofisa malaga e leiloa.
O le uma ane o lea suesuega o faia nei ona faato’a faia lea oni moliaga talafeagai ai, ole tamaitai lea. Ua faamaonia mai foi e leoleo ua toe faafoi mai ai i Samoa, lana susuga.
