E toe aso atoa foi ile aso sasa o le faamantuina o le 100 tausaga talu ona faavae mai le Kolisi o Avele, pei ona molimauina ai ananafi, le savali umi ma le toatele mai Tauese Apia, e oo mai i luma maota o le malo ma fofogaina ai saunoaga ole faamoemoe.
Ae o faafiafiaga mai aoga na tofia , pei o le Kolisi a tamaitai ole EFKS le Papauta Girls College, Kolisi a le malo o Samoa, Kolisi a tamaitai mai le Ekalesia Katolilko, Saint Mary’s College ma le Kolisi mai le Ekalesia Metotisi, Wesley College.
Ae o siva ma faafiafiga mai le ACOPA pei ona molimauina ile aoauli ananafi i siva a vasega ma faasolo ane ai ile pese poo le vii o le 100 tausaga o Avele.
Ole aso le Aso Tofi, ua atofa mole Career day, mai lava ile taeao, Avele, ma faaauau ai le taaga polo faapitoa mo na’o au lava ua lesitala, i le malae i Tuana’imato.
Peita’i ole aso taaalo faapitoa foi lenei, i Avele e faia ile malae i luga ma lalo ile kolisi ma faasolo ane ai ile afiafi, e faia ai le koneseti faapitoa mo aiga i le laumua lava i Avele.
Mo le Aso Faraile ua atofa ole fono a le ACOPA ile maota Samoa fou ile 10 ile taeao, ma tapenapena ai loa mo le Corporate Dinner Ball i le 6:30 ile afiafi, poo le fiafia tele ile Hall a le NUS.
Ae Aso Toonai ai loa le aso mo tafaoga , Ma faia ai le taumafataga ole toonai faatasi ile Aso Sa i le maota Samoa ole kolisi ile Aso Sa ma taumavae ai.
