30 Tesema 2024 Samoa: Ua faauau pea suesuega a leoleo ile tagata lea na osofaia le faleoloa o le Ninety nine ile taulaga i Saleufi sosoo ma le CCK.
O le solitulafono lea pei ona taua mai le ofisa o leoleo i Faleata, ua toe maua le tavaale a le kamupani na aveese faatasi ma le tupe mai totonu o le faleoloa.
O lipotia e le tatou paaga, e $20,000 le tupe na aveese e le tagata faimata pulepule na maua ile masini pue ata a le faleoloa, ile vaveao le Aso Lulu ole Kilisimasi.
Peita’i o taua e le tatou paaga mai le ofisa o leoleo i Faleata, na maua atu le taavale i Vaiusu o iai lava le ki i totonu.
Ma ua toe faafoi atu ile faleoloa.
