28 Novema 2024 O loo faaauau pea le polokalame 16 aso ole faamanatu ia faamuta sauaga, a le SVSG Samoa Victim Support Group. 16 Days of Activism and ‘Let It End with Me’
Peita’i o le polokalame o le vaiaso muamua o le faamoemoe talu mai le aso Gafua 25-Aso Faraile taeao 29 Novema, o loo faatino ai aoaoga mo ulugalii po o le tama ma le tina, ile galulue faatasi ai ise pisinisi tau faatoaga.
O lesi foi lea auala o tilotilo iai le SVSG, ose auala e galulue felagolagomai ai matua i auala faasuetupe poo le pisinisi, ia tuuititia ai le sauaina ole tina ele tama.
Ua faatino ai e le vaega o Nofotane, o Upolu ma Savaii.
Ma unaia ai le augani a Sanarosa, ia gata ia te ia sauaga.
O Sanarosa le tamaitai talavou na ia tuuaia lona tama ile sauaina o ia ao aoga ile itumalo, ma e le faatasi ona ia ma’itaga mai lona tama ma faapa’u tulou. O le tamaitai lena na sulufai ane ile Toomaga ae ua tuai lava, na ma’i ma avatu ile falemai ma maliu ai lava.
Ma ia augani ane ai i matua e alolofa i a latou fanau, ma ia gata ia te ia , ia ituaiga o sauaga.
O le 16 aso o le polokalame a le SVSG, faasaga ile taofia o sauaga I Samoa.
Ua aofia ia ma le amanaia o aia tatau a le tagata e iai manaoga tumau, o nisi foi na o fanau, o aafia i sauaga a aiga, e ala ile tuulafoaina ma tausia ai ile campus of hope. O sao o le SVSG ile faamanatuina o le aso mo tagata e iai manaoga tumau I le lalolagi, ole polokalme e lua aso, Aso Lua ma le Aso Lulu o le viaaso fou.
O lesi vaega o le 16 aso, 4-6 Tesema ile vaiaso fou, ua faaaofia mai ai nei ma avetaavale o taxi, la’upasese.
O ave taxi e tele lo latou sao ile tautuaina o le atunuu lautele, ma o le ‘a fai ai foi lo latou sao i le polokalame o le 16 aso, o galuega e faamuta ai Sauaga faasaga i tina ma fanau teine ile atunuu, o lena vaega e amata ile aso 4-6 o Tesema, aso Lulu ma le Aso Tofi o le vaiaso fou.
O le’a faasolosolo atu lava le polokalame i a tatou tala fou oi luma.
