Ole faauuga a le Iunivesite Aoao a Samoa I Vaivase ile aso, ua faaee ai ma le faailoga ole Honorary Doctrate ole afioga ile tamaitai Palemia o Samoa, Fiame Naomi Mataafa. E le gata ina ole tamaitai Palemia muamua o Samoa, ae o ona agavaa ua alagatatau ai le faaaloalo ma le faaeaea .
Pei ona ta’ua e le faaluiloa mai le Iunivesite.
O le faipule tamaitai sili ona umi ile palemene o Samoa talu mai le 1985, I lona tulaga faafaipule mai le itumalo o Lotofaga.
Mai lena taimi sa tu matila mai lona sao ile atinaeina o Samoa, mai matagaluega sa minisita mai ai, ao avea ma faipule o le HRPP. Ile matagaluega o Aoga, Matagaluega o Faamasinoga, Tina ma tamaitai, Oa faanatura ma le siosiomaga, ae o lona tofiga sui Palemia tamaitai muamua ile HRPP.
Maitauina foi lona sao ile atinaeina ole Iunivesite, sa avea ai ma Pro Chacellor, ile 33 tausaga talu ai mo le lima tausaga, ile taimi ole faasee ane ole aoga faafomai ma le aoga faafaiaoga ile NUS, ae o le aoga matata eseese ile lata ile 20 tausaga talu ai.
O lona sao ma lana tautua ae o lona silafia ua avatu a le faeaea a le Iniveste aoao o Samoa I lana afioga, , ile Faailoga o le Doctor of Law, ile faauuga ole NUS ile aso.
O loo faamauina e le’o le taimi muamua le avatu ai se faaeaea faapea ise palemia o Samoa.
Ole 2012 na avatu ai e le Victoria University I Ueligitone le faailoga o le Hnorary doctorate ile sa avea ai ma palemia talu ai, Tuilaepa Sailele Malielegaoi.
Ole faaeaea a le IUnivesite aoao a Samoa ile tamaitai Palemia o Samoa Fiame Naomi Mataafa, o le’a tauaaoina ose vaega ole faauuga o fanau aoga a le NUS lea e amata iel 9 ile taeao I Vaivase.
