Ua suesuea ai nei e leoleo pe na faapefea ona sao atu le tamaitai Samoa i luga o le Fiji Airways ma malaga ai ma le faamoemoe e fia alu iAusetalia.
Ole alu ese atu ma Samoa ise auala faasolitulafono e leai ni pepa malaga. lea ua faia ai nei iai susesuega a leoleo pe na faapefea ona tupu.
I soo se malaevaalele faalevaomalo pei o Faleolo i Samoa, nei, e matua malupuipuia , ua na’o tagata lava ua faataga e mafai ona sopoia soo se faitoto’a i totonu ole fale e ui atu ai pasese malaga.
O le tala faasolopito lea o tagata malaga na tupu i le aso 26 o Tesema ile faato’a tuanai ai o le Kilisimasi.
Ua fesiligia ai nei le faatinoga o galuega puipui i totonu o le malaevaalele i Faleolo,
Na maua atu ai le tamaitai Samoa lea o moe mai totonu o le faleui o le vaalele. Na ta’ua e le Komesina o Leoleo, Auapaau Lotogitino Filipo , sa iai le faamoemoe o le tamaitai e alu i Ausetalia, faapea o ia o se tagata nuu Ausetalia, ae faamaonia mulimuli ane e leai.
Faamaonia mai e le Komesina o leoleo , ua toe faafoi mai le tamaitai lea i Samoa, ae ua faia iai suesuega talu e tele lava tulafono faalevaomalo ua ia solia, ma e ono faia iai ni moliaga talafeagai.
Peitai faatoa iloa lena laasaga pe’a uma ane suesuega o faia nei. Ae ua faasa ai nei i luga o soo se vaalele lava a le kamupani ole Fiji Airways.
