Ole amataga ole vaiaso nei lea na faatautaia ai le feiloaiga o sui tauva uma ua aloaia mo le tauvaga ole sueina lea ose tausala o Samoa 2024-2025 lea na faia ile Fale ole Pulega o Tagata Tafafao Maimoa mai fao i Apia.
E toa 22 sui na resitala mo lenei faamoemoe peita’i na ole toa 15 ua filifilia e le komiti mo le tauvaga o lenei tausaga.
Ole Onomea Productions, ole faatonutonuina le faamoemoe e ala lea ile aso ma le masina ua atofa olea amatalia ai loa le tauvaga ma ua tuu ai ile masina ole Teuila a Samoa, ua iai le faatonuga atoa mo sui tauva e aofia ai asiasiga i Faalapotopotoga, itumalo ma se avanoa e feiloai ai ma le Palemia o Samoa afioga Fiame Naomi Mataafa.
O se vaega ole faalauiloa ile aso muamua ole tauvaga e aofia ai sui tauva e 15 e filifilia a latou numera ma autu o faatalanoaga ao lei faia le tauvaga.
O sui la nei e toa 15 e aofia ai,
1. Miss Samoa New South Wales- Epiphanyetaline Agalelei Aumua Wright.
2. Miss Samoa Hawaii- Tanara Sue Faamausili.
3. Miss Falealili- Ingridvanie Fetoai.
4. Miss Tausala Amerika- Anastasia Pagostar Maia’i.
5. Miss JADS Samoa- Rayleen Simati
6. Miss Pacific Mix- Ida Siala Okesene.
7. Miss Liahona Consultancy- Teuila Emmy Alofipo.
8. Miss Samoa Victoria- Chantelle Tautunuafatasi.
9. Miss Climate Warriors- Brianna Marisa Natiafo’ifatuālavai Romana Fruean.
10. Miss Impact Services- Litara Loma Leilani Ieremia Allan.
11. Miss Samoa Queensland INC- So’otuli Ausage Pepe.
12. Miss Samoa USA- Josephina Faatupufilemu Lealaitafea.
13. Miss Hidden Threader- Lydia Le’alona Moamanu.
14. Miss Samoa NZ- Precious Miriama Tusega.
15. Miss Lavashe Couture- Alaimalō Joanna Sulusi Vasa.
I lana saunoaga autu lea na faailoa ai e le Tausala o Samoa, ” E le ole pale poo le faailoga, ae ole faailoga sili ole alofa lea na ia maua mai tagata “.
Ole tausaga lenei ua faamauina o se tausaga ese fua lea i tausaga ua tuanai ile telē ole fuainumera o tama’ita’i ua resitala mo le tauvaga o lenei tausaga le oo atu ai ile 15 le aofai ole au tauva mo se Tausala Samoa ma ose fuainuere ua tele tausaga e lei toe vaaia.
E lua po olea faia ai le Tausala o Samoa, ole po muamua lea olea faia ile Aso 4 o Setema ae ole po ole Crowning Night lea olea faia ile Aso 7 o Setema ole tausaga nei.