Fa’afetai o le Asosi Alo Va’a Paopao a Samoa ile POLP

SHARE NOW

Ua faalia le agaga faafetai o le Asosi Alo Va’a Paopao a Samoa faapea le afioga I le Minisita o Siosiomaga ia Toeolesulusulu Cedric Schuster I le lagolago ua tuuina mai e le Pacific Ocean Litter Project (POLP) I le taamilosaga alo va’a paopao ile vaiaso fou.

O lea fesoasoani e tauala mai ise vaega seleni AU$37,000 na faailoa mai e le Pule sili ole faalapotopotoga a le SPREP e fesoasoani ai I tapenaga aemaise le puiapuia o le sami mai le lafoai iai o lapisi.

O le poloketi ale  POLP o lo’o faatupeina e le malo Ausetalia ae faatino e le SPREP galuega.

Na faalia foi le agaga faafeati o le sui o le Asosi Alo Vaa ia Ulugia Jay Schuster I lea lagolago. O samoa o lo’o talimalo I atunuu e 28 I lea taamilosaga alo va’a paopao I le vaiaso fou.