E manatu le tamaitai faipisinisi talavou Ms Tulimalefasi, “faafetai ile Palemia, afioga Fiame Naomi Mataafa, ile manatu (atu) I le au fai pisinisi, ina ua folafola lana aso malolo mo le aufaigaluega a le malo, ile uma ane o galuega sa gapatia ai ma latou o le CHOGM 2024.
Aua ole aso malolo lava ia ose tala manaia tele ile faalogo, aemaise ai lava mo latou o loo faigaluega i le malo, o loo totogi e le malo ma tagata uma o latou totogi.
Ae mo le aufai pisinisi tumaoti lava latou aemaise ai lava lona ia tama’I pisinisi tau amata, e mana’omia lava ona tatala pea lava pea e saili ai seleni e faaauau ai pea ona ola ma fesoasoani atu i le malo.
O le itu lena, e na te faafetai ai lava le afioga I le Palemia, ona o le tofa fetala’i ma le manatu ane ile au fai pisinisi ina ia tuu ile faitalia.
Ma o lana ia pisinisi e le tapunia i le aso Faraile ma le Aso Gafua, e faaauau lava ona tatala.
Aua e mana’omia e tama’itai ona teuteu o latou fofoga, ma faamatagofie mai lea aso ma lea aso, o le fiafiaga sili lena o le tamaitai Samoa, pe ‘a iai lagona o le molemole aulelei faasolo atoa.
Ma talanoa ai Ms Tulimalefasi, o aso malolo foi ia e maua ai loa avanoa o le tele o tamaitai talavou e faigaluega I le malo, e asia ai lana auaunaga, e toe faamatagofie atili ai o latou fofoga.
Ma e tatala ai lava le Hidden Threader ile Amau Mall, i aso malolo o tagata faigaluega a le malo, Aso Faraile taeao ma le Aso Gafua.
Ma ia faafetaia ai le afioga ile Palemia, ile manatu atu ile aufai pisinisi tumaoti, e filifili ai latou.
