O le manumanu o le Matagaluega o leoleo i soifua aoaoina ae o le lumana’i o teine ma tama aoga o le Iunivesite aoao a Samoa NUS, mai le avaga atu i soligatulafono, e afua mai le tagofia o le avamalosi ma fualaau faasaina, na afua ai le faatasi atu o lana Faaili, Royal Police Band, e faafiafia ile lotoa i Vaivase a’o faagasolo ai lesitala o fanau aiga, i le vasega faavae.
O le silafia ile faa musika, lesi foi mataupu e ono tilotilo iai lesi tamaititi aoga mo se lumanai.
Peita’i o se faamanatu a le Royal Police Band mo fanau aoga, e manatua le fananauga o matua i aso uma, ia avea ma tama ma teine poto e aoaoina ,
Ma ausia atu le Iunivesete aoao a Samoa o loo faatauva iai tupulaga o aso nei, o le tumutumuga o aoaoga i Samoa lava ia, e ese mai le Iunivesite a le Pasefika, i Alafua.
Ua faagasolo ai lesitala o fanau aoga ile IUnivesite i Vaivase.
