O le lona tolu a’i lenei o aso talu ona faamanino e le Faipule o Fasaleleaga 2, Afioga a Magele Sekati Fiaui, le mama o lona tagata mai tuuaiga ose vaega ole miliona tala a lona itumalo.
O na tuuaiga, ogaoga , pei ona ta’ua ele fapule i lana tusi faalauaitele, “e leai lava se tupe o tuua’ia ai ia, na ia faaaogaina.”
O le tusi siaki ma lona faaaogaina, sai aao lava ole Failautusi ole Fono Faavae a le Itumalo.
Ma ua i aao ole Komiti o le Poloketi miliona, le latou lipoti, mo le latou iloiloga masani,
Ma ua faailoa ane foi e le Minisita , le faamatuu ane o lesi vaega ole Miliona a lona itumalo, i le uma ai o lena iloiloga.
O le vaiaso talu ai na faailoa manino ai foi e le afioga i le Minisita o gafa ma le Poloketi Miliona, Mulipola Analosa Ale Molioo, ua faamatuu atu seleni i itumalo o loo totoe mai ole Miliona muamua, pei ona iai itumalo e lua ole HRPP, ina ua mae’a soalaupule ni faaletonu sa to’alia ai foi na itumalo.
O lesi itu o oloo fesiligia tele e le poloketi Miliona, o tuuaia le lape mai le amataga, ole atofaina lea ose nofoaga, e faatu ai le ofisa ole Komiti ole Itumalo.
Sa manatu nisi, ole faiga talafeagai lava, ole faaaoga ose vaega fanua o iai se faleaoga faaitumalo, e fau ai le ofisa o le komiti, ina ia alu sa’o ai le tupe tele ole lisi, e atina’e ai le aoga a le itumalo.
Nai lo le faaletonu o tula’i mai i nisi o itumalo pei ona molimauina ai le faatuatuai, ma le manatu faapito, ua fau ofisa o Komiti faaitumalo i luga o fanua e sootaga iai le faipule.
Ma manuia ai lava lena tagata e tasi ma lona aiga, e ana le fanua, ae o loo taatia fanua e aia nuu ose itumalo pei o lotoa o faleaoga, ma alu sa’o ai le tupe ile atinaeina ole aoga.
Peita’i ua saunoa Mulipola, e faafetai ma faamalo i itumalo, ile lava papale ma le onosaia o laasaga ole poloketi Miliona ua afua ai le taunuuga o iai nei, ile laugatasia o tagata ole atunuu, i le fesoasoani, ma saunoa ai le taitai o le malo, le afioga ile Palemia, Fiame Naomi Mataafa, ile ” ave o le faataua muamua i tagata e ana le malo. ”
Pei foi ona ta’oto mai ai nei le faamalamalamaga ale faipule o le Faasaleleaga, 2, ile vaega ole latou miliona muamua, lea ua taga’i nei ia le komiti ole Poloketi, ma faamatuu ane loa lesi vaega tupe mo le itumalo.
