Ua maea faafotu tupu ai le afioga ile Sui Palemia Tuala Tevaga Iosefo Ponifasio ile suafa Faamausili ile afioaga o Malie.
Na tamua ile faapaiaina ole Nofo. E toa lima faafeagaiga sa o latou lagolagoina le faapaiaga ole nofo.
I le maea ane ai ole upu faamanuia a auauna ale Atua, ma usu ai loa le afioaga o Malie i Alii ma faipule. Ae taumafa se ‘ava ale nofo, Susuga ile Faamausili Tuala Tevaga Iosefo Ponifasio.
Ole Susuga a Le’afa Suli na lauga aloaia ile Uma ane ole usu faatau ale nuu ma vave ai foi ona faagasolo le tufaina ole ‘ava, ma maea ai male manuia le faamoemoe.