Ua amata ona faatino isi Pulega a le Malo mo le siitia o lona tamaoaiga, aemaise o ana oloa auina atu i fafo.
Na saunoa faalauaitele ai le afioga a le Minisita o Faatoaga ma Faigafaiva, Laaulialemalietoa, i le faaaoga ai o aseta poo fale ma mea totino a le STEC, Samoa Trust Estate Corporation e faasee ane i le isi Pulega fou a le Malo ole’a faatuina, le Samoa Export Authority.
Ina ia faagaioi ai le auina atu o oloa tau faatoaga a le atunuu i fafo, ma isi oloa ua gaosia iinei mo le siitia lava ole tamaoaiga ma tupe maua.
Ole Samoa Export Authority, lea ua mae’a tofia ai lana fono faatonu mo le taimi nei, e aofia ai le faipisinisi o taulamua ile gaosia ma le finauaina o oloa faatau atu i fafo, pei o le ‘ava, sukalati, koko Samoa, ma isi oloa o loo gaosia e fai pisinisi a le atunuu.
E toatolu isi totino ole Fono faatonu ole Samoa Export Authority.
