O pea ua amata faamae’aina nisi o itumalo palota mai i Faleata lea e iai le itumalo o Faleata 4 e ala ile toe resitalaina o i latou oloo aumau i nei itumalo tetele e totoe.
Ole itumalo o Vaimauga lea ua famae’aina ile vaiaso ua mavae atu le faatinoina o a latou resitala.
Ae o itumalo palota o Faleata oloo tau famae’aina pea le itumalo o Faleata 1,2 ma le 3.
Mo le silafia e le mamalu ole atunuu o itumalo e lua nei lea ua tuu e faamulimuli ona ole toatele ole fuainumera o tagata oloo nonofo i nei itumalo aemaise lava Faleata ma Vaimauga.
Ole faanaunautaiga a le ofisa palota ia oo atu ile masina o Oketopa ua faasopoia uma Savaii ma Upolu e ala ile faatinoina ole toe resitalaina o i latou ua aloaia e tatau ona resitala mo le faiga palota ole 2026.
Oloo faamanatu mai pea e le ofisa ole faiga palota le mamalu ole atunuu o se soli tulafono o lou auina atu lea one pepa faamaumau tau faasese ile ofisa o faiga palota e oloo faatinoina ma lou silafia e leo oe se aao lea e ona nei faamaumauga.
Mo le silafia e taua lava le avatu o au pepa faamaumauga sao aua le faamaoniaina ooe lea e agai atu ete resitala e pei o pepa fanau, tusifolau, ID oloo iai sou ata i luma, ID faigaluega, ID penesione, ID aoga poo se tusi faamaonia o le tagata nuu, ae faapea foi ose tusi aloaia e faamaonia o lou suafa matai pea e finagalo ete resitala i lou suafa matai.
Oloo faailoa mai foi e le ofisa o faiga palota oloo tatala pea le ofisa autu i Mulinuu mo i latou ua mae’a le resitala o a latou itumalo ao la e lei resitala lava.
