Faagasolo tapenaga mo le fausia ole maketi fou i Savalalo

SHARE NOW

Ua mae’a saini ai nei le konekarate ile va ole Samoa Land Coporation ma le kamupani inisinia  ma Tusi ata a le Tinai, Gordon &  Associates Limited – TGA Ltd, ina ua manumalo ile tauofoga o lea foi vaega ole fausia ole maketi fou i Savalalo. 

I faamaumauga mai le malo, o le aso 10 o Me, Aso Lulu o le vaiaso talu ai ua faamautu ai lea foi atinae tele ile taulaga. 

O loo faatupe ai e le malo o Niusila le $12miliona tupe Niusila, ma le $10miliona tala a le malo o Samoa tauala atu ile Samoa Land Corporation. 

Peita’i o galuega amata o lenei faamoemoe, ua manumalo ai le TGA Ltd ile mata’ituina ma pulea le faatinoga ole galuega lenei, i mea mana’omia, o le tusiga o le ata ma le lima taitaina atu ai lava se ia mae’a le maketi fou. 

O le kamupani lea a le TGA, ua silia I le 30 tausaga o lana tautua ma latou pulea foi isi poloketi tetele ile taulaga o Apia, i tulaga tau inisinia faufale, aemaise o taulaga mausali ma sootaga atu i suiga o le tau, ae o tafega ma alavai lafoai . 

Ole TGA ltd o lesi lea kamupani sili ona umi lana tautua faainisinia I Samoa, ua lesitala faapitoa lava mo Civil and Structural Engineers, ae ua avea foi ma totino o le IPES Inisinia a Ausetalia ma Amerika. 

Mai le malo, o ta’ua ai, e lima kamupani sa tauofo mo le vaaiga lea ma pulea le poloketi , le Maketi fou i Savalalo. 

Peita’i na faamaonia e le Kapeneta le fautuaga, mo le avatu o le Konekarate I le TGA Ltd.  E  ST$1,118,087.50 lana ofo. Peita’i o lesi laasaga , ole faauma lea ona faia o pepa mo le tauofoga ise kamupani fau fale e nate faatinoa loa le fauga o le maketi ma faasalalau ai loa I le masina fou o Iuni.. 

E 12 masina le umi ole taimi faatapulaa e faatino ai lenei galuega.