I tala o le tauvaga fagotaga ole siamupini faalevaomalo, a le SIGFA 2023 o loo faagasolo ai ile vaiaso lenei I lona aso muamua ananafi, I faamaumauga a le Pulega, e lua vaega o loo taula’i iai le taaloga lenei ile tai.
O le i’a sili ona lapoa ole aso, ma le fuataga ole aso.
O le I’a sili ona lapoa o le Aso muamua, na maitauina le taufai mata alia uma o tautai, peita’i e na’o le tasi lava le manumalo.
Na maua pe na aina ile ofe a Jared Williams ole Team Yellowfin, le i’a sili ona lapoa o le aso muamua. O lesi vaega togia ole tauvaga ole fuataga a le vaa, o loo tulaga muamua ai foi le Team Yellowfin.
Lona tolu le Double Trouble.
Peita’i o lea faatoa amata le taaloga, pei ona ta’ua e le pulega o le tauvaga, o loo tele lava le taimi mo isi aufaiva e tuliloa ai ni o latou ai.
Ma oo mai ai ile aso lona lua lenei ole SIGFA 2023, ae o se aso mata’ia foi na iai ananafi, pei ona faamauina e le pulega.
E ui sa iai lava tulaga sou ole sami ae sa molimauina le falo o ofe a tautai ma toso mai i luga i’a. Ma o na tulaga galugalua o le gataifale ma ogasami na oo atu iai fagotaga ananafi, ae sa taunuu uma mai lava ile uafu ile taimi faatapulaa , ole 5 ile afiafi mo le fuaina o a latou i’a.
Ae sei talia se taunuuga o le aso, ma lona ia foi fuaga .
