E $200 le sala tupe poo le sili atu foi ma le tolu masina ua faamaonia mai e le Matagaluega o leoleo, e mafai ai ona nofo sala ai le tagata i le toese i Tanumalala, e maua o loo faasuaava i nofoaga faitele.
E tusa ai ma le vaega 16 puipui (a) o Soligatulafono Tau Leoleo 1961, o loo talanoa mai i le tulaga lea o le onā po’o le taumafaina o le ‘ava malosi i nofoaga faitele ma faavevesi e aunoa ma se mafuaaga.
O le faamanatu a le Matagaluega o leoleo, e iai le malosiaga o lena tulafono e mafai ai ona taofia pe faaoo le faasalaga o loo taua i luga pea mautinoa le soligatulafono.
Ua afua ona toe faamanatu mai lenei tulafono ona o le naunautaiga ia utagia ma pulega e tagata lautele o latou amioga ao lei oo atu i le masina o Oketopa le taligamalo tele o loo loma nei.
O le faatumauina o le tauleleia o le igoa o lo tatou atunuu o Samoa ma le tala’ave pea maea le fono ma toe foi le tagata ia i lona apitaga, ae o loo sa-o- ma filemu mea uma e leo gase pe tutupu mai ni faaletonu le manuia faapena.
