17 Tesema 2024: O loo faatuputupulaia pea faafitauli e aliae mai I galuega faavaitaimi, o loo malaga atu ai tatou tagata nuu I Atunuu mamao.
E le gata ile sosola I tua ma apitaga o loo nonofo ai.
Ae o faafitauli faaleulugalii o le toe ta sui o taitoalua I atunuu o loo piki ma galue ai, ae tatiai taitoalua ma fanau o loo faatali atu I Samoa.
E lei leva atu foi ona auina mai ele Sooupu o galuega faavaitaimi mataupu o loo tupu ma ua tutupu I a I latou o loo malaga atu I galuega faavaitaimi, o le leai o se toe fesootai mai ile tina ma le fanau talu ona taunuu atu.
Ae o lea foi ua toe faailoa mai ele Sooupu mo galuega faavaitaimi a Samoa I Niusila, o loo ia tuualalo mai ai ile au faamuli atu I Samoa nei, ao lei auvatu lau faasea ma lau compalain faamolemole, mafaufau muamua i le aafiaga o lau complain pea faapea ae toe foi atu lou toalua poo lau paaga foi poo le (Deport).
O nisi o a outou complain o lea e fetoai sao lava ma le Sooupu aemaise ai a outou faasea.
E tuualalo atu ai, ia tau iai se ava ma se manatu mai i a outou tala lafo.
Ua leai se ava faatafata ma se va tapuia o lafoga oloo fai atu.
Oa outou text ma messages uma o loo faamauina lelei lalo e le gata ripoti tapena ae o luga foi le system i profiles a tou tai-toalua poo lau paaga.
Ma o lana talosaga, ia talanoa ma se ava, ma se manatu o le sui o le Malo o Samoa lenei e te sa’e mai ai.
O mataupu uma lava o loo logo lava outou toalua ia talanoa atu ma o loo manino lava i asiasiga ma talanoaga le faamanatu pea a le Sooupu ma le Pulega ole vaega lea o le mulilua, e le faatagaina a’o iai ile RSE programme.
A faamaonia pe maua foi, e iai tulaga e le toe maua ai se avanoa o sesi, pe faafoi atu poo le Deport foi i Samoa.
