Ua taunuu ai nei aitalafu a Samoa mole taimi muamua, talu mai ile tele o tausaga ua tuanai, i lalo ifo o le piliona tala.
Talu mai le 2018, sa ova atu i le piliona le aitalafu a le malo o Samoa, ma faasolo ifo ai lava ina faaititia mai. Ole aitalafu a le malo o iai ile tausaga faaletupe o le 2021/2022, na iai ile $948.4miliona tala.
Tusa ma le $56.miliona tala ua faaititia ai, faatusa ile tausaga faaletupe i luma atu, 2020/2021, sa faamauina ai le 1piliona tala le aitalafu , i faamaumauga a le Samoa Bureau of Statistics, i le tala faaletupe a le malo, e pau atu ia Iuni 2022.
Ole aitalafu, faamauina e $946.8miliona, sa aumai i fafo atu, i faapaaga , na totoe mai ai le aitalafu i totonu lava o Samoa ile $1.6miliona. O aitalafu mai fafo, sai ile $485.4 miliona ua faaitia le $30.3miliona. faatusa i le $515.7 miliona le aitalafu na iai ile tausaga faaletupe i luma atu, 2020/2021.
O le tele o aitalafu na faia mai lea e le malo, mai le World Bank ma le Asian Development Bank, ile 57.6 pasene ma le 38.1pasene. Ma ua faaititia na aitalafu faatusa ile aofai na iai i le tausaga faaletupe i luma atu.
Ae o aitalafu na faia i lalo o maliega , pei o le PRC People’s Republic of China, ma JICA, e $461.4miliona, ile 2021/2022. O lena aofai, e $394miliona mai le PRC poo Saina, ae $67.3miliona mai le JICA poo Iapani.
O na aitalafu uma e lua, ua faaititia foi ile 2.2 pasene, poo le $9miliona ma le 17 pasene poo le $13.8 miliona faatusa i le tausaga faaletupe o le 2020/2021.
O le aofai o aitalafu o loo totoe ai i Samoa nei, e $1.6miliona, e 67.4pasene ua faaititia ai poo le $2.9 miliona faatusa ile paleni o le tausaga faaletupe 2020/2021.
