Ua uma le finauga faaletulafono a le Perestene ole Fa’amasinoga o Fanua ma Suafa, ma le Minisita o le Matagaluega o Faamasinoga.
Ma manuia tutusa, e finau mai le Peresetene ile tutotasi o le faamasinoga o Fanua ma Suafa, e tatau i le pulega o le matagaluega ona iloa le tulaga lena ma faataga atu le aufaigluega e fai galuega.
Ae finau atu le afioga ile Minisita o le Matagaluega e puipui le Matagaluega mai ni tua patatua , talu popolega i le LTA 2020 , o loo aafia ai tofiga ole Peresetene ma faamasino.
Peita’i ua faataga atu ai nei e le faamasinoga maualuga le pulega o le Matagaluega o faamasinoga e ave le lagolago ale aufaigaluega mo le amata ai o galuega a le Faamasinoga o Fanua ma Suafa.
Ae ua faamauina foi e le Faamasinoga Maualuga, le malosiaga oi le Palemene e toe mata’itu ai le agai i luma o mataupu faapea.
I le male leai ose malosiaga o le Peresetene ma faamasino ole faamasinoga o fanua ma suafa na tofia i lalo o le tulafono o Fanua ma Suafa 1981, e latou te lotea ai mea tau faamasinoga i lalo o le vaega o le tulafono o fanua ma suafa 2020.
Ole faaiuga lea na fofogaina ai ile faamasinoga Maualuga i le Aso Tofi ole vaiaso nei, e lana afioga ile Faamasino Sili, Chief Justice Perese, Senior Justice Nelson ma Justice Tuatagaloa.
Ole Peresetene o le faamasinoga o Fanua ma Suafa, Fepuleai Atilia Ropati na talosga i le faamasinoga , ua le mafai ona faatino latou galuega ona sa faasa ele pulega o le Matagaluega le aufaigaluega, atoa ai ma lana faamanatu ile pulega, le tutoatasi o le lala ole faamasinoga.
Ma e le’i faia ai lava ni faamasinoga o Fanua ma Suafa i lenei tausaga . talu mai Tesema o le 2021.
Na faamauina foi e le faamasinoga le finau a le Loia Sili mole Minisita o Faamasinoga ma le Pulega a le Matagaluega , Matamua Vasati Pulufana, o loo atagia ai e le’o iai sona agaga e sosofa le tutoatasi o le faamasinoga ma le agavaa o faamasino .
E 23 itulau o le faaiuga a Faamasino, o ta’ua ai le popolega o le Minisita o Faamasinoga, pei ona fautuaina ai ia, ile faatalia o le lipoti a le Komiti suesue ale Palemene o faia.
Talu o tofiga ole Peresetene ma le sui Persetene ma faamasino o Fanua ma Suafa na tofia uma lava i lalo o le tulafono ole 1981 ua faaleaogaina talu mai le aso 15 O Mati 2021 ina ua faaaoga le tulafono o Fanua ma Suafa LTA Act 2020.
Na teena e le Peresetene o le Faamasinoga lena tuualalo a le Minsita. Ae , na maitauina foi e Faamasino, le puipuia ole tutoatasi o le Faamasinoga . Ma o le faamasinoga a Samoa e le’i oo lava ise tulaga tutoatasi,
E faalagolago lava famasino ile Pulega ,o loo fatonutonua Tupe Faasoasoa ma tupe e faatupe ai galuega a le Faamasinoga. .
Ma o loo maitauina foi e le faamasinoga, le faauau ai ona maua o totogi o Faamasino, maua penefiti ma o atu ile fale faamasino ma faaaoga auaunaga faa ofisa .
Na viia e Faamasino le Minisita, ma latou taliaina o lona tula’i mai i se itu lelei mole Matagaluega, e taumafai e puipui le Tulafono fou .
Ae faapena foi i le itu talosaga i lona ia foi puipui malosi ile tutoatasi ole faamasinoga.
Ua manatu Faamasino, o Faamasino na tofia i lalo o le tulafono LTA 1981, e iai le Peresetene ma faamasino o le LTC, e leai so latou malosiaga e lotea faamasinoga i lalo o soo se vaega o le Tulafono LTA 2020.
Ma ua agavaa ai le Peretene e faaauau latou galuega i le lagolago iai a le pulega o le Matagaluega, e mulimulitaia ai le suiga o vaega o le tulafono ole LTA 2020.
Ma na faafetaia e faamasino loia ia la folasaga na fesoasoani ile faamasinoga , ma le taua o mataupu laga, ma le faamalieina o ni vaega o a la finauga.
