Faai’uga o sauaga i luga fesootaiga televave

SHARE NOW
E iloa ai ile aso le faaiuga a le Faamasino Leota Raymond Schuster, pe nate talia le talosaga a Tiumalumatua Maifea Fetu e togi i fafo moliaga a leoleo faasaga ia te ia.
O moliaga e sootaga i tuuaiga o le tau faaleaga faalumaluma o faasaalaluga a Tiumalumalu mai Ausetalia. Na finau lana loia ananafi, Aso Tofi 25 Aukuso 2022, Afioga a Fuimaono Sefo Ainuu, mai tulafono 2015, vaega 4, faapea, e leai se sootaga ole faamasinoga a Samoa, e faamasinoina ai se soligatulafono na faia fafo atu o SAmoa.
O moliaga faasolitulafono o le alii faasalalau, e sootaga ile tagi na faaulu e le Faatuatua i le Atua Samoa ua tasi, FAST, i tuuaiga faasaga ile pale mai o le malo fou.
Finau Fuimaono, i lalo o le vaega 4 (1) lea o le tulafono, e aofia ai solitulafono uma lava, ma faamasino ai le o tuuaia i Samoa. Na fesiligia e le Faamasino le loia e ta’u poo fea o le Vaega fa o le Tulafono o faapea mai, vagana ai soligatulafono e tupu i fafo atu o Samoa.
Aua o lana finau e faamoemoe ise vaega ole tulafono a Samoa, faapea mai Vagana ai soligatulafono na faia i fafo atu o Samoa. Na faailoa atu foi iai e le faamasino, ole Vaega 4(1) ole tulafono, e faatatau i soligatulafono uma, peita’i ole Vaega 4(2) pe ‘a faatino i Samoa, ma faapena foi ile vaega 3, 4.
Ae na tali atu Fuimaono i le vaega 5 ole tulafono o faapea mai ai, e le’o se solitulafono pe afai e tupu e fafo atu o Samoa. Na talanoa faataitai le faamasino, Leota Raymond, afai ose tagata e faigaluega mo Samoa i Ausetalia, ae ua gaoi i tupe faitele, e mafai ona faamasino le tagata lea i Samoa, o le tali a Fuimaono e leai, peitai, na faasino atu e le Faamasino le vaega 6 ole tulafono. O ta’u mai ai le nofoaga na tupu ai le solitulafono, e sootaga ile soligatulafono, pei o le tupu i Samoa, tusa pe le’o i Samoa le tagata, ile taimi na tupu ai.
Afai ose vaega o le soligatulafono sa tupu i fafo atu o Samoa, ae  se isi vaega na tupu i Samoa, ole tagata lena e mafai ona tula’i ile faamasinoga i Samoa.
Ole aso e fofogaina ai le faaiuga a le faamasinoga faaitumalo, afioga a Leota Raymond Schuster, ile faia o le faamasinoga o Tiumalumatua pea le talia lana talosaga e faaleaoga moliaga a leoleo faasaga iate ia.