Ua see atu nei le Vodafone e siitia le latou auanaga tau fesootaiga faaonapo nei, pei ona faalauiloa ai le latou tapenaga mo le aumaia ile 5G, pei foi na faalauiloa ai e le kamupani telefoni a le Digicel, e le’i mamao atu.
Peita’i ole sauniga e faalauiloa ai le 5G a le Vodafone, na saunoa faapitoa ai le afioga ile Palemia Fiame Naomi Mataafa, ile taua o fesootaiga televave I le atinaeina o Samoa, mai lava I le soifua maloloina, I togafitiga, aoaoga, pisinisi ma isi.
Ole sauniga faaolioli ole 5Ga a le Vodfone na faia ile potu fono ole Taumeasina Hotel i Motaaa.
O ta’ua e le Vodafone, o le faamoemoe lea ole a saosaoa ai le internet, ma siitia ai foi le faatinoga o galuega e sootaga ile faaaogina ofesotaiga televave.
Peita’i pe oo ile taimi e faaola ai le 5G, o le’a na’o sina vaega o Upolu e maua ai I lona laasaga muamua, lea e aofia ai le li’o ole taulaga, ma le agai atu ile malaevaalele. Ae o isi vaega o le motu nei ma Savaii, e faasolosolo lava ona oo atu iai le 5G.
E le’o mafai ai ile taimi nei ona togafiti le tele o vaega o le taulaga ma afioaga e le gata o Upolu nei ae o Savaii, e le’o mafai ona oo atu iai le malosi ole Vodafone. E fealua’I solo le tagata e su’e se vaega ole fanua e ola ai le telefoni. Ole faaletonu foi lena ile Digicel.
Peita’i na maua i tali a le kamupani Vodafone o lo o iai vaega o Samoa e faapena.
