Ua faamanatu faapitoa ai le Aso mo le maketiina o Koko Samoa e le gata i totonu lava o Samoa ae o atunuu i fafo atu.
E le na o se tasi se oloa ao se meaai taumafa ua mafai ona gaosia ma gasese mai i lea foi laau o le koko.
O se tasi lenei o polokalame poo poloketi o loo lalo o le vaavaaiga a le Matagaluega o Faatoaga ma faiga faiva.
O le manulauti o le aso e pei ona saunoa faapitoa iai le afioga i le Palemia ia Fiame Naomi Mataafa, O le fausia lea o avanoa faapisinisi mai metotia fou ma atinae.
Aua o le molimau a nisi o sui mai afioga i tua o loo fai paaga ma le Ofisa o faatoaga, ua manuia lona aiga, ina ua ia galue ina faa fafine toaga le faafaileleina o lana toga koko.
Na ia faasoa mai foi le tele ma le anoanoai o auala sa ia faaaoga e tausi ai le koko seia oo ina selesele, ma ia saunoa mai e matuai sese lava le mau a nisi, e faapea e 3 tausaga faatoa mafai ona fua le koko ma faaaoga.
Peitai i le maea ane o le polokalame, na tufa tufa ai loa e Le Ofisa o Faatoaga, koko faamili tai 20 i le tagata, o tanoa tui koko, ma vaega uma e faaaoga i le faapauina o le koko i le au fai faatoaga koko e silia ma le toa 20 sa auai.
