O loo ofo atu pea e le Community Engagement Unit CEU, a le Matagaluega o Leoleo, poo le Vaega e gafa ma auaunaga lautele, i tama ma teine aoga a le NUS, Iunivesite Aoao a Samoa, e fia malamalama ile auaunaga faa leoleo e fesoota’i atu pea latou i i luga o le face book.
O le CEU a leoleo, ma lana vaega tietie uila, ma itu o taavale, sa auai uma i le Open Day a le NUS, ananafi, 15 Fepuari 2024.
O se avanoa na maua ai le sootaga ma tamaiti aoga mai kolisi ma aoga tulagalua. O taua e le itulau a leoleo le tele lava i tamaitai aoga sa mafuli e fia iloa , ituaiga o galuega faatino e leoleo, ma atagia ai le avea ose vaega oi latou ma leoleo ile lumana’i.
Ma ose laasaga i luma mo le matagaluega, sootaga faapea ma tupulaga talavou, aemaise i aoga maualuluga.
O ta’ua foi e le pulega o le Matagaluega, o se tasi lea o vaega taua tele, ma latou te ave foi le amanaia i fanau talavou, o le lumanai , ae o faananauga ia avea ai foi latou ma leoleo ae oni taitai mo Samoa i aso oi luma.
Ma fautua mai ai, afai e iai se tama poo se tama aoga e lei oo ane ile latou tulimanu i le aso ole Open day a le NUS, ia fesootai ane mo nisi faamatalaga, ile auauaga faaleoleo i luga o lana facebook.
