E le’i faigofie le taunuuga ole mataupu lea ile 10pasene ua pale mai ai faipule tamaitai e toatolu ua avea ai ma nofoa faaoppo o le Palemene ole nofoaiga lona 17, ua taitaia e le malo fou, Faatuatua i le Atua Samoa ua Tasi .
Aemaise o nofoa faaopopo e 2 muamua na faatonu ai e le faamasinoga le afioga i le fofoga fetalai ole maota, Lio Papalii Taeu Masepau e faatauto.
Peita’i na faatalitali lava le fofoga fetalai se ia maea’a ane le faamasinoga mo le latou faaiuga ole matupu lava lenei.
Ae ina ua a’e ai o le faiva a tautai “na saili iai figota o moana uli” pei ona saunoa le Fofogafetalai, ma maitauina ai lana faautautaga ile uma ane o le faamasinoga ma toe poloaia ai e le Faamasinoga e faatauto loa faipule tamaitai.