E toa lua le au sii mamafa a Samoa lea ua faatu a la lekoki mai le taaloga a le Oceania i le sailiga siamupini a Niusila, na faia i Mt Maunganui.
O Don Opeloga lea na Pine auro mai Taaloga a malo o le Tapuluega, 2022, ile 96kg class, e tolu ana lekoki na faatutu.
O le sii 102kg snatch poo le sii malele, 207kg clean & jerk, o lana sii atoa e 367kg.
Feagaiga Stowers, na malo mai le pine Siliva i taaloga lava a Malo o le Taupulega i Birmingham ile vaega sii mamafa a tamaitai e 87kg+ category,
Na ia faatu le lekoki, ole 158kg i le clean & jerk.
John Tafi na manumalo i le sii a tama ole 73kg class, ma ia faatu foi le lekoki fou i le vaega ole Oceania junior – 130kg sii malele poo le snatch.
Ae o le vaega talavou ma le feololo o alii, ile 89kg class, na manumalo ai Tovio Ah Chong,Ma ia toe faatu foi lesi lekoki o le vaega lava lea o le 144kg clean & jerk.
Avatu Opeloge na manumalo i le vaega a tamaitai ile 76kg senior class, ma le tamaitai o Faustina Opeloge na tulaga lua i le 81kg ale au matutua ae na’o le 16 ona tausaga.
O Imoasina Pelenato 15-year-na manumalo i le vaega talavou ile 87kg class, Lesila Fiapule na manumalo i le sii a tamaitai feololo ile 87kg+.
Saunoa ai le alii faiaoga, Tuaopepe Jerry Wallwork, ose taunuuga faamalieloto ua iai le au sii a Samoa e faauma ai lenei tausaga taalo, 2022.
Pei o le manumalo aiai ale tamaitai o Olivia Selemaia i le 64kg class.
