Ua i Samoa nei le faauluuluga ole faalapotopotoga faaitulagi mo tagata e iai aafiaga tumau ole soifua ile pasefika, e faatautaia se aoaoga taua mo taitaiga lelei a tagata faigaluega a le Nuanua ole alofa faapea ana galuega faapolokalameina.
Ole nei polokalame na saunoa iai le tamaitai ofisa sili ole nuanua ole alofa le susuga ia Mataafa Faatino Utumapo ina ia siitia ma faalauaitele ai le silafia ao le iloa i tagata o loo iai aafiaga tumau o le soifua e le gata la mo tagata nuu o Samoa lava ia ae o le Pasefika atoa.
Saunoa Mataafa oloo sologa lelei pea faamaite a le Nuanua ole Alofa, ma oloo unaia pea le toatele o tagata e iai aafiaga tumau ole soifua, ina ia saili avanoa e avea ai ma taitai o faalapotopotoga a le atunuu, ae aua le manatu faatauvaa ia tei latou lava.
