Ua maua mai le faamatalaga faalauaitele a le Minisita o Galuega, Uafu ma malaevaalele, Olo Fiti Afoa Vaai, faatatau ile pa’ulia o le MV Fasefulu tusa o le 11am ole Aso Gafua 21 Aokuso i le aloalo i talaane ole uafu i Salelologa.
Ma ia faamalulu ile atunuu na aafia ona ole faaletonu le maalofia, ae ole faafetaia ole onosaia ma le finagalo malamalama ile taimi o faatino galuega fo’ia.
Peita’i e leai se aafiaga tele o le vaa, ae ua faia le suesuega auilili a le matagaluega i le mafuaaga tonu ole oso sese ese ole MV Fasefulu ma le alavaa saogalemu.
Ae o le galuega lavea’i e aofia ai le mulimulitaia e le kapeteni ma le auvaa o tulaga masani. Ma oo atu foi i luga o le vaa le vaega popoto faapitoa faatasi ai ma le au maulu, mata’itu le faaletonu. Ina ia tau faamama le tino o le vaa, na faaalu uma i fafo le suavai faapaleni ole vaa, ae la’u ese mai le vaa vaega o suavai suauua ma otaota lafoai, ma lona kesi.
E afa ane o le fitu le afiafi, ole Aso Gafua lava, ua manee ese ma faasee atu loa ile uafu mo le aveesea o le uta taavale ma isi oloa mo Savaii, na saogalemu uma lava.
Ua toe folau ane i Apia le MV Fasefulu, ina ua uma ona toe togafiti, leai se vai e toe ulu atu i totonu ole vaa.
O ta’ua e le Minisita, pau le tupe o loo alu i le galuega faaleleia o le vaa ole totogi ina lea o auanaga faapitoa na fesoasoani e faatino galuega mana’omia.
Ae ua faaauau ai suesuega ile mafuaaga tonu ole tupu o lea faaletonu, poo ai le kapeteni, ae o ai na tu ile foeuli ilea taimi, ae pe aisea na oso ese ai ma le alavaa masani ai, ma pa’ulia ai, ae o loo laula ane i luga pole ma faailoilo e mulimuli ai i le Kapeteni, o na mau fesili uma, o tatou talia se tali ile uma ane o suesuega o faia nei e le pulega.
