E leai ni faiga tafaoga ile sami ma vaitafe, poo ni faiga party ma tumutumu i aso malolo o le aso maliu 2022.
E tolu aso malolo , e pa’u i le Aso Faraile 15, Aso Toonai 16 ma le Aso Gafua 18 o Aperila.
Peita’i o na aso malolo o loo tutupu uma i le taimi ole iai o Samoa i lalo o tapu ole Koviti, ma Poloaiga o faalavelave faafuasei, o aiaiga faa le Faavae o Samoa, o mulimulita’i iai. Ma e faaauau lava se ia oo atu i le Aso Lua
Pei ona toe faamanino atili mai e le failautusi a le Kapenta , o le Taitaifono a le NEOC National Emergency Operation Center, Agafili Shem Leo, ina ua fesiligia e le Leitio Polensia.
“O poloaiga uma lava o vavao ma faalavelave faafuasei, o aiaia i lalo o le vaega 105 106 ole tatou faavae.
Ole taimi lenei, faatoa uma le taimi o le vavao o faalavelave faafuasei i le po o le AsoLua o le vaiaso fou.
O vaega uma lava ole vavao, e faaauau ai lava se ia oo atu i le Aso lua o le vaiaso fou. E aofia ai le Aso Faraile, Toonai ma le Gafua. e mulimulita’i i poloaiga ole vavao. E faaauau lava poloaiga o iai ile taimi lenei aofia ai ma aso malolo o le Eseta.“
