Fa’amanatina le 247 talu ona tuto’atasi le malo o Amerika

SHARE NOW

Sa auai taitai o le malo o Samoa, ma Minisita ile faamanatuina o le Aso fanau lona 247 o le malo o Amerika.

Ole sauniga na faia i le 4 Iulai i Samoa i le Ofisa ole malo o Amerika i Vailima. Ae ua atoa ai foi ma le 52 o tausaga talu ona faapaaga Samoa ma Amerika.

Saunoa aloaia ai le Palemia, Fiame Naomi Mataafa, ile taimi o le Aso Fanau, ile taua o le va nonofo ai o Amerika ma le tatou atunuu, faavae i luga o tu ma aga faatemokalasi, filemu ma le puipuia ae o avanoa tutusa.

E oo lava i le fetausia’i, i itu tau ile soifua maloloina, aoaoga ma le siosiomaga, puipuiga o le sami faalevaomalo, faigafaiva, ae ole taua ole polokalame Pisikoa a Amerika.  O le Fepuari na taunuu ai isi ana volunteer ile atunuu, talu ona toe foi uma ile taimi o le faama’i koviti, ma ose fiafiaga foi lea mo Samoa.

Sefulu tasi pisikoa o le’a amata i le vaiaso fou, e fesoasoani i le atiaeina o faiaoga, i ana polokalame, ua maitauina foi le aapa mai o Amerika e fesoasoani i atinae puipuiga o le gataifale ae o aafiaga mai suiga o le tau.

Faafetaia foi e Samoa le sao o Amerika i galuega faale puipuiga o le Gataifale a le US Coast guard, pei ona molimauina ile taimi na leai ai se vaa o le gataifale a Samoa.

E le’o galo foi le fesoasoani mai a Amerika i le falemai faaitumalo i Faleoloa , ae o tapenaga mo le CHOGM 2024. Peita’i e le’o misi ai ile vaai le taunuu i fanua o le Nevada Natitional Guard deleagation e faamausali le faapaaga ma le Matagaluega o Leoleo ma Falepuipui.

Ma ia momoli ai le faamanuiaga faapitoa mo le aso fanau ole malo o Amerika i lana Iulai 4, 2023 i Samoa.