Ua toe aapa mai le Komisi o galuega a le Malo poo le PSC e toe faamanatu ma faalauaitele le auga tonu o a latou tiute faa le tagata faigaluega a le malo e ala i se tasi o latou polokalame ua faaigoaina o le Talofa ma le lau fofoga fiafia.
Aua o le latou mau e toatele nisi o loo tuu fesili poo a tonu vaega o loo patino iai o latou tiute, e aofia ai le fuafuauina lelei o tagata fiagaluega e manaomia.
E latou te fausia foi taiala ma faiga faavae mo le puleaina o le au faigaluega a le malo, e aofia vaega tau totogi ma faamanuiaga.
Ma latou te tuu atu foi fautuaga le Kapeneta ma Matagaluega eseese, aua le puleaina o tagata faigaluega.
O le auga foi lea o lea polokalame fou ua faatautaia i luga o le leitio Polenisia ina ia mataitu ai le lelei o le faafoeina e tagata faigaluega a le malo o le mamalu o le atunuu.
Aemaise lava o tagata ia e talia telefoni ma fafeiloai mai le mamalu o le atunuu e agai atu mo se mataupu o loo manaomia ai le fesoaoani, pei ona saunoa iai le susuga ia Kelone Tikeri.
O le mea moni o le tele o nisi o le aufaigaluega a le malo o loo talia maia valaau a le mamalu o le atunuu pea manaomia le fesoasoni e leo mafai ona aofia ai vaega ia e pei o le faaaloalo ma le ava fatafata.
Aua o nisi ia o vaega o loo totonu o tulafono a le Komisi o Galuega a le malo 2004 pei ona saunoa iai le susuga ia Osana Liki le sui mai le PSC.
Le komisi o galuega a le malo ma le latou polokalame fou i luga o le leitio polenisia.
