E le’o mapu le taulogologo a le Matagaluega o leoleo, ile saogalemu lautele o tagata feoa’i ile auala, aemaise o le taimi lenei ua toe a’e ai aoga.
Pei ona faailoa faalauaitele mai e le pulega, ole fautuaga masani lava, ole ave ole faamuamua ile saogalemu o fanau.
Ae maise lava i taavale la’u pasese, ae o pasi, ma avetaavale, ia faautagia tulafono ole auala, tausisia ile saosaoa faatapulaa, aua le ona, fai le fusipa’u, ave le avanoa i fanau aoga, kolosi ma tagata lautele.
O le sa’oga i luma o le Leitio Polenisia, lesi magaala ile tulaga e lamatia ai tele fanau aoga a le Aoga tulaga a St Mary.
Ua uma lava le 2023, o viga le pulega ole aoga, ile pulega o le LTA, mo se kolosi, peita’i, ole tali mai ina ua tatou fesiligia, ua uma ona logo le vaega e gafa ma le faiga o kolosi.
O saunoa le Minisita o le Matagaleuga o le LTA, Land Transport Athority, Olo Afoa Fiti Vaai ile palemene talu ai nei, o galuega a leoleo ole faamalosia lea ole tulafono, peita’i ole saogalemu o tagata lautele i luga o le auala, lea foi o loo alagaina pea e le Matagaluega o leoleo i ana polokalame iluga o ofisa faasalalau.
O le fautuaga masani ma le Komesina o le Matagaluega, Auapaau Logoitino Filipo, e tautuana, ia galulue faatasi mo se Samoa saogalemu.
