Ole taeao ananafi na faatinoina ai le savali faaaloalo ole Lakapi Samoa e faamanatuina ai le atoaga lea ole 100 tausaga ole Lakapi Samoa, oloo faauluulu uma iai lakapi i totonu ole atunuu lea e iai le lakapi taitoa 15 ma le lakapi tai toa 7 lea e tele ona malaga i atunuu mamao mo taaloga aua Samoa ma le tauleleia o lona igoa.
Ole taeao ananafi ma lona faamoemoe lea na amatalia lea ile savali faaaloalo amata mai luma ole ofisa ole Matagaluega o leoleo falepuipui ma le ola toefuataina seia oo mai luma ole maota ole malo poo le Samoa Government Building.
Ile saunoaga autu a le afioga ile sui Palemia ole atunuu afioga Tuala Tevaga Iosefo Ponifasio lea na ia faaalia ai e faapea,
“Na faaalia ma vaaia le tau fai sagisagi atu o tama ma teine oloo i totonu ole lakapi Samoa, aua le molimauina lea ole faamanatuina ole atoaga ole 100 tausaga a le Lakapi Samoa.
Ae ile faatalatalanoaga a tala fou ma se tasi foi o sui tuai ole au ole Manu Samoa tama tuai ua leva lo latou tautua ai i totonu ole Lakapi Samoa e pei o le susuga ia Apolo Perelini a.k.a Terminator lea ua tele ona mau iloa ele mamalu ole atunuu, o ia lea ose tasi o sui sa taalo ile lakapi taitoa 15 ile tele o tausaga ua alu lea na mafai ona maua le avanoa e faatalatalanoa mai ai foi i lona sao taua foi i totonu ole lakapi Samoa ao taalo ai o ia ma tama ole atunuu, lea na ia faailoa ai e faapea,
“Na ia faaalia lona agaga fiafia tele le mafai lea ona auai mai ile molimauina o lenei faamoemoe taua o se tasi o alo ole atunuu ua loa lana tautua e ala ile taaloga ole lakapi, ma ose alo sa amata taua’e mai lana taalo ile kalapu lakapi a Moataa ao lei tofia o ia e fai ma sui o lau Manu Samoa 15 i tausaga ua mavae atu ile prop ma le second row.
Ole Lakapi Samoa lea na faavaeina ile tausaga e 1924.
E tasi le vaiaso atoa lea olea faagasolo ai taualumaga uma lava o tapenapenaga ole faamanatuina ole 100 tausaga a le Lakapi Samoa e aofia ai le capping award night, Pacific night fixture ile Aso Faraile lea olea fai ai taaloga lakapi ile Apia Park i au e lua e iai le au a le Manu Samoa ma le au mai Tonga, ae ole Aso Faraile le latou Beer Festival ma tapunia ai loa lenei faamoemoe taua.
