Ua galulue faatasi nei le Matagaluega o le soifua maloloina o le mafaufau, Goshen trust i Moamoa ma le Faataua le ola e faalauiloa a latou polokalame mo le faamanatuina o le Aso faapitoa o le Mafaufau i le lalolagi atoa i le aso Faraile o vaiaso nei.
O le vaega lea o loo faamautu i le isi itu o le falemai tele i Motootua, ae o le isi a latou lala faamoemoeina o loo faamautu i Moamoa.
Ua toatele tagata Samoa ua iai aafiaga tuga ma le ogaoga o le mafaufau a le mafai ona togafitia i Motootua ona auina sao lea i Moamoa i le auaunaga a le Goshen Trust e faia faamalosi ai togafitiga.
I le saunoaga ai le sui o le Soifua Maloloina i Motootua le afioga ia Levaopolo Aliilelei Tenari na ia faamalamalama ai i lalo o le tulafono, e leai se aia o le aiga o le ua aafia e taofia ai se gasegase e tuuina atu e faia faamalosi ai ona togafitiga.
Peitai o le auga lava o mea uma o le Aso lea taeao e faia ai le latou faalauiloa o mea taulima ma soo se vaega o lea latou tuufatasi ma a latou paaga ma faatino ai le faamanatuina o le Aso mo le mafaufau.
Ina ia maua ai se seleni e faatino ai le auaunaga ofo fua a lenei foi faalapotopotoga mo tagata nuu o Samoa.
