Ua faamanavaina e le Atua ma faamuta ai le soifua galue o le tasi o auauana iloga foi ile itu faale agaga i totonu o Samoa
Le susuga ia Aposetolo Viliamu Mafoe, o ia foi o le taitai o le Ekalesia Worship Center sa ia faavae talu mai le tausaga e 1997, ile taimi lav e taisi oloo avea ai foi le Aposetolo Viliamu ma faatonu o le Tupulaga mo Keriso
Peitai o se tala faanoanoa tele mo lana Ekalesia aua o le masina tonu lenei e atoa iai le 1 tausaga o le falesa tele oloo i Sogi.
O se auauana e malosi ile laugaina o le upu a le Atua i totonu o le Ekalesia, ma o le mafuaga foi lea o le tupu ma ola o lenei foi talitonuga.
Ma ia fausia ai le televise a le Ekalesia le KTV 5, ma le leitio ma lona naunautagia ia faalauaiteleina ai le upu a le Atua, aofia ai ma le aofa Faa Misionare.
E maliu le aposetolo ua 66 le matua o lona soifua.
