O tupe na tuuina atu e le Malo i le SVSG, lea na manuia ai lana polokalame lona lua o a latou galuega faatino e ono, o le poloketi, o le “Eliminating Violence Against Women and Girls” Poo le tafiesea o sauaga i tina ma tamaitai.
O le galuega faatino lona lua lea, na amata mai ia Aperila ia Tesema ole 2022, na tulimata’ia ai alii e iai tofiga i totonu o nuu na fili, e aofia ai Matautu Falealili, Saleapaga, Lalomauga, Fusi Safata, Faleatiu, Vaipu’a, ma Avao.
O le sootaga ma galuega faatino a le Toomaga i nuu nei e fitu, na tutusi ai ni Ta’iala faapitoa lava mo latou nuu. Ma ua mae’a ai nei lena galuega a taitai o nuu, o le Tusi Ta’iala, e mulimulita’ia ai le tausiga o le filemu i aiga ma afioaga.
E le gata o le Ta’iala, ae ua tapena foi ma a latou folafolaga faamauina,e galulue ma tausisia ai le Taiala.
O lesi vaega o lena Taiala, e aofia ai laupapa, o tusia ai folafolaga faalauiloa, ma faatutu i tafa ala o na afioaga.
Ma ua toe Iloilo ai foi a latou tulafono fai, e mulimulitaia ai lava a latou Tusi Ta’iala.
Peita’i e le gata ina faaaoga ai taitai alii mai nuu, ua iloa ai foi e le toomaga poo le SVSG le taua o le aoaoina o tupulaga tama ma avea ai o nisi ave feau i le taua o faia nei, ole aveesea o sauaga faasaga i tamaitai.
O le faaiuga o lenei taumafaiga, e aofia ai tama aoga mai kolisi e ono i le atunuu, le Seventh Day Adventist, Don Bosco School Alafua, Chanel College, Maluafou College, Wesley College ma leTuasivi College, i le faia o a latou ata e faaali ai feau taua o momoli atu ai le taofia nei loa o sauaga i tamaitai.
O na ata, ua taape ai i luga o fesootaiga televavave mo le faaauau ai pea o faalauiloa
1. Mai le Kolisi a le Aso Fitu: Ia fai atu i isi pei ona e man’ao e fai mai e isi ia te oe. Ua faataua a le fetauai o tagata ma le faailoga tagata.
2. Don Bosco Alafua: Ole toe faaolaola o le aganuu, Faaaloalo , e aveesea ai suaga faasaga i tamaitai. Faatatau i alii, ia o latou faaaloalo i tamaitai.
3. Chanel College
Aveese ae tuu i le Atua e nate foia, o fesouaiga ma le soifua lelei o le mafaufau.
3. Maluafou College ,Ete mafai ona e tuli ese sauaga ma oe, po le tautala ae le’o lou nofonofo e le pisa ona ete fefe.
4. Wesley College, E tatou te tutu faatasi, i lou fesoaosani atu i isi, poo le faamalosi au i au uo.
5 Tuasivi College, o le Bully poo le tau faamatau e leai sona avanoa i totonu o le Kolisi o Tuasivi
Bullying has no place in Tuasivi College. O le galuega faifaatasi a le Toomaga ma le atunuu, le taofia o sauaga faasaga i tamaitai.
