Faamanuiaga o le Atoa o Samoa   

SHARE NOW

Ua mae’a sainia ai se maliega MOU, ile va o Samoa e lua, talu mai le aso 12 Tesema.

 

O lesi lea taunuuga manuia ua fanau mai ile toe faafouina o le sootaga o Samoa, e le faigamalo a le Kovana ia Talauega ma le malo fou a le Faatuatua i le Atua Samoa ua tasi, FAST.

 

Ua faitau masina o faia feutanaiga, ma galuega faatino ile va o taitai o Matagaluega o Fesootaiga a malo e lua ASTCA American Samoa Telecommunication Authority i lona Pule sili, Susuga Falelimu Chuck Leota (ASTCA) ma le Minisita o Fesootaiga ma Tomai faaonaponei,  oelupe Poumulinuku Onesemo.

 

Ma avatu iai le lagolago a faigamalo e lua, e iai le taunuuga ua saini ai lea maliega ile aso 9 o Tesema 2022.   Ia siitia atili ai auala tau fesootaiga faaona po nei, ma ona lu’itau faalevaomalo i itu tau tamaoaiga. O polokalame o le MOU e aofia ai le siitia   o tomai ma auala tau fesootaiga i sona atoatoa atili ma ona faamanuiaga.

O le taunuuga ma le agaga tonu o le Maliega ua sainia, o le a atagia mai lava i le tamaoaiga, o le soifuaga o aso uma ma le taua o le sootaga poo fesootaiga e maua e Samoa e lua ma lona sao ile tamaoaiga o tomai faaona po nei.

 

O itu ua taula’i iai le Maliega lea, e aofia ai le laina o fesootaiga i le alititai, deployment of submarine cable.

 

Mo Amerika Samoa , ile laina lea ile va o Tutuila ma Upolu, e maua ai le sootaga o Samoa i le malo tele o Meleke. Ae mo Samoa, ole laina lea e siitia ai le atoatoa ona lelei o fesootaiga ma taugofie ai foi mo Samoa ma ona tagatanuu.

 

Ua ose tulaga lelei lea mo le ASTCA pei ona talanoa ai lona pule sili, Chuck Leota o le Pulega a Lemanu ma Talauega. E tatau i tagata uma lava o Amerika Samoa ona maua fesootaiga i mea tau faamatalaga, mai aoaoga i mea tau soifua maloloina, ae o fesootaiga, ma feoa’iga faaititia. Ma o le agaga foi lena o le pulega o le malo i Sasa’e ia faasoa atu i aiga i SAmoa, le laina lea mai Hawaiki, e fesoasoani atu ai foi ile malo fou a le FAST ma ana tapenaga o le agai i le lumana’i.

Saunoa foi le Minisita o Fesootaiga a Samoa, Poumulinuku Onesemo, e tatau lava ona fesootai Samoa e lua faaaoga i tomai faaonaponei, e sili atu, i ana atina’e fai ma lona tamaoaiga.

 

Ae o le ave foi ole faataua ia aoaoina tagata i tomai faaonapo nei, ia maua e tagata uma le galulue faatasi, e auala mai ai manuia.