Ua tauaaoina ai nei e le pulega o le Mapuifagalele ma le Mapuipulotu, o maota mo matua tausi, a le Ekalesia Katoliko, vaega tupe mai le malo, e fesoasoani i ana galuega faatino o le tupe e $50,000 mo Mapuifagalele i Vailele, ae $20,000 le Mapuipulotu i Faasaleleaga i Savaii.
O ia seleni, o le’a avea ai ma ala ga tupe faaauau, a maota o ta’ua i luga, sa folafola ile taimi o le tala ile tupe faasoasoa a le malo, o le 2023-2024, ma faaauala ane i le Matagaluega o Tina ma Tamaitai ma Aga fesoota’i.
O le vaiaso nei lea na faatino le tuuina aloaia o siaki tupe i le Tooa Salamasina Hall i Sogi, ma saunoa ai le Minisita o Tina ma tamaitai, Mulipola Anarosa Ale-Molioo, ose tasi lea o auala faafetaia ai le galuega fita o faatino e ia foi faalapotopotoga mo matua tausi a le atunuu. Ma o le vave lava ona aumai i totonu , tala ole tupe , o le a tele ai foi fesoasoani tupe e maua i lesi poloketi e sosoo ai.
Ma faafetaia ai ele afioga ile Taupousa, Sister Christina i Mapuifagalele, i luga o le Savali a le malo, o le foa’i, o le’a faaaoga e faatau ai oloa mana’omia, o aso uma, pei o nofoa ma moega. Ma ia ta’u foi ile Savali, e 44 matua tausi o loo iai ile taimi nei, ae to’alima tamaitai Taupousa ole Little Sisters of the Poor, ma le aufaigaluega e 27.
Ma e le faigofie , pe taugofie foi le auaunaga o faia nei, ae o se mapusaga le faapaaga ua faia nei mo le taimi muamua ma le Matagaluega o Tina ma tamaitai.
Ua silia ile 50 tausaga talu ona faavae le auaunaga ale Little Sisters of the Poor, mo matua tausi, ua tatala ai nei i isi talitonuga lotu ile atunuu. Peita’i ole mana’omia ai ole tautua, ua faaaoga ai falega o le Kolisi o Logoipulotu, i Savaii, mo nisi maota ma faaigoa ai nei ile Mapuipulotu e tali ai manaoga mo le motu tele.
E tolu itumalo lea na saini ai ile vaiaso nei a latou tai $160,000, o a latou miliona lona lua, o le poloketi, atinae a Itumalo. Na faatino lea feagaiga ile Ofisa ole Matagaluega, Tooa Salamasina Hall i Sogi.
1. Satupaitea
2. Vaisigano 1
3. Faasaleleaga 1
Ma faafetaia ai e le Mulipola le onosa’i a itumalo, ile faataliga o le latou miliona lona lua, talu e ao lava ona alu i le ala o mea. E ui i lu’itau, ole miliona muamua, ae ua tele foi se aoaoga o maua mai ai. Ma ia faamanatu, ia tautuana e faatutusa le vaevaeina o le miliona.
