E toatasi le alo o Samoa lea ua maua le avanoa e taalo ai I le kalapu Soka I Roma,le alii o Pesamanino Ah Tong Sefo o se alii mai i Luatuanuu, Tufuiopa, Lefaga ma Saasaai I Savaii sa taalo I le au soka a le United FC ao aotauina I le aoga a le De la Salle ao lea ua faamanuiaina ma maua le avanoa e fili ai ile au soka a Roma ona o le mataina fapea ai ma le tulagaese foi oana taumafaiga.
O lenei alii e tupuga mai I totonu o se aiga e iai taleni e pe I o le fusu ma isi ma o se alo faasino I le afioga Ielome Ah Tong ma le faletua ia Salamina Selesa Valasi Ah kuoi ma e toavalu I latou ma o lenei alii e uii ai lava I le fanauga.
I le faatalatalanoaga a tatou tala fou ma le alii ia Pesamino na ia taua I le maea ai o le latou tournament lea sa faatamilo ai I totonu o le atunu o Amerika e tolu la kalapu Soka sa mananao ia te ia e aofia ai le kalapu sokaa le atunuu o Spain, Amerika faatasi ai ma Italia ma e toalua I laua sa piki e filifili ni Atunuu ma i atunuu nei e tolu e taaalo ai I latou kalapu ma filifili ai loa e ia Italia I Roma e fia taalo ai.
Ma o se fiafiaga ma se mitamitaga tele ia te ia le mafai lea o na filifilia o ia ao talavou e taalo mai I se kalapu Soka I Roma ma o se faamanuiaga le au maua leei avanoa ua tofia iai o ia ma o lea ua sauni atu mo le amataliao lana konokarate muamua I lenei taaloga soka.
E tolu tausaga le umi o le konekarate lea ua saini iai lenei alii e taalo ai ma o lana taaloga muamua foi lea o lea taalo ai mo le rome city FC I lana au o le under 19 ma o Ianuari o le tausaga fou lea olea tuuvaa atu ai loa lenei alii I Roma aua le amatalia o ana taaloga.
