Mai Amerika Samoa, ua faamaonia, e leai se pemita o le Minisita lagolago o le Matagaluega o Leoleo ma Falepuipui a Samoa, Afioga Fepuea’i Fasavalu Faimata Su’a, na malaga mai ai i Amerika Samoa, ile amataga ole masina nei.
O lipotia e le Samoa News i Tutuila, le faamaonia e le Loia Sili a le malo Amerika Samoa i luga o le KVZK tv, Fainuulelei Falefatu Alailima Utu, Le malaga mai ole tagatanuu lea o Samoa ile vaalele o le Samoa Airways ma taunuu i le malae vaalele i Tafuna tusa o ole 8am.
E le’i iai sona pemita 30 aso, ae lei iai foi sona pemita fitu aso, poo se faatanaga ole pemita fitu aso le Okay Board a’o lei taunuu mai i Amerika Samoa.
Tusa lava pe na faaali lona tusifolau faapitoa diplomatic passport, sa tatau lava ona usitaia tulafono o femalagaiga e mafai ai ona ulufale mai i Amerika Samoa, ile faaaliga a le Loia sili pei ona lipotia.
Ma ta’ua ai le faatoese o le pulega ole Samoa Airways, Fauoo Fatu Tielu ma le ofisa o le malo o Samoa, ile le mulimulitaia o le tulafono, ile aso 3 Novema 2023, faatatau ile faigamalaga a le faipule.
Ile taunuuga o lena sasi ale kamupani Vaalele, le Samoa Airways, ua faamalolo ai le faipule mai lona tofiga minisita lagolago o leoleo ma falepuipui mo se taimi, i lalo o le faatonuga a le ta’ita’i o le malo, Fiame Naomi Mataafa, ole Palemia.
