Faamaonia le faaauau ona tuua aoga seia aulia le aso 5 o Me

SHARE NOW

Ua faamaonia mai e le Ofisa Sili o le Matagaluega o le Soifua Maloloina le afioga ia Aiono Dr Alec Ekeroma ma le feiloaiga ma tusitala.

O lea ua uma ona tuu atu le talosaga i le kapeneta e toe faaauau atu ile vaiaso se tasi le malologa o aoga uma a le malo. Ina ua maitauina e le matagaluega le faatupulaia pea o le fuainumera o alo ma fanau ua aafia ile flu.

“Ua atoa nei le lua le tolu masina o pesi le fulu totonu o le tatou atunuu, na amata pe tusa o le tolu i le fa vaiaso talu ai, ua maitauina le alu luga o le fuaimura.

“Ae sao lava ua faatolu ina le fuainumera, o e ua maua le fulu lipotia mai e tatou falemai faapea Motootua, a tatou vaai lava i le aofai o tamaiti e repot mai, a faatusatusa la le faaiuga o Mati e na o le 519 le aofaiga o tamaiti.

“Ae oo mai le faaiuga o le vaiaso na tea atu nei ua oo atu i le 1,500 le aofai o tamaitai ua oo mai le falemai,” Saunoa Aiono o le toatele o alo ma fanau na oo atu ile falemai mo togafitiga na oo atu ma taofia.

Peitai o le faalavelave ua silia ma le 70 fanau ae na o le 54 moega na faasoasoa iai fanau, ma agai loa le Matagaluega e ave isi tamaiti i tua i falemai faaitumalo.