Ua faamaonia mai e le taitaifono ole vaega faapolokiki/faaupufai a le FAST, poo le Faatuatua ile Atua Samoa ua Tasi, susuga a Laaulialemalietoa Polataivao Leauatea Polataivao Fossie Schmidt, le malaga a sui ole vaega faaupufai i Amerika ile masina o Novema 2024.
Ole malaga atu ole FAST i Amerika, ua molimauina le amata ai o tapenapenaga a faalapotopotoga o Samoa i Setete o Amerika olea asia e le faigamalaga mamalu.
Ole malaga ua faitau masina talu ona tapena iai faalapotopotoga Samoa i Amerika.
Olea fetaui tonu ma le taimi e atoa iai le 4 tausaga ole vaega a le FAST, ua latou pulea nei le malo, talu mai le 2021.
E le gata ole aso fanau ole vaega faaupufai, ae ose auala foi lea e fai sao ai tagata Samoa oi Amerika ile fausia ose ofisa mautu mo le FAST lea oloo faafoe mai ana galuega ile taimi nei ile maota Samoa i Vaitele.
